ఇందులో మరో నూతన ఒరవడికి RRR శ్రీకారం చుట్టనుందా? అంటే రాజమౌళి ప్లానింగ్ అలానే ఉందని అర్థమవుతోంది. ఈ సినిమాని తెలుగు- తమిళం తో పాటు హిందీలోనూ ప్రతిష్ఠాత్మకంగా రిలీజ్ చేయనున్నారు. అయితే బాలీవుడ్ మార్కెట్ ని ఛేజిక్కించుకోవడం అంటే అదో సవాల్ తో కూడుకున్నది. ఎంతో తెలివిగా హ్యాండిల్ చేయాల్సి ఉంటుంది. అందుకే అతడు ఓ మాస్టర్ ప్లాన్ వేశారట. ఆర్.ఆర్.ఆర్ లోకి ప్రభాస్ - అనుష్క జోడీని అతిధి పాత్రలతో ఆహ్వానించడం ద్వారా మార్కెట్ రేంజ్ పెంచాలని ఆలోచిస్తున్నారట. బాహుబలి స్టార్స్ గా ఈ జంటకు ఉన్న ఫాలోయింగ్ దృష్ట్యా ఆర్.ఆర్.ఆర్ కి మార్కెట్ పరమైన ఇమేజ్ పెరుగుతుంది. అలాగే ప్రభాస్ కి జపాన్ సహా ఎన్నిచోట్ల అభిమానులున్నారో అన్నిచోట్లా ఈ చిత్రాన్ని రిలీజ్ చేస్తారు కాబట్టి అక్కడా మార్కెటింగ్ పరంగా ప్లస్ కానుంది.
ఇక ప్రభాస్ - అనుష్క జంట నటిస్తున్నారా లేదా? అన్నది జక్కన్న టీమ్ కన్ఫామ్ చేయాల్సి ఉంది. మొత్తానికి ఆలోచన సాగుతోంది. ఆర్.ఆర్.ఆర్ కి జాతీయ స్థాయిలో ఆకర్షణ పెంచడమే ధ్యేయంగా ఎత్తుగడలు వేస్తున్నారు. ఇక సాహో చిత్రంతో ప్రభాస్ పేరు మరోసారి జాతీయ- అంతర్జాతీయ స్థాయిలో మార్మోగనుంది. హిందీ మార్కెట్లోనూ `సాహో` భారీ క్రేజుతో రిలీజవుతోంది. అందుకే ప్రభాస్ వచ్చి చేరితే ఆ కోణంలోనూ ఆర్.ఆర్.ఆర్ కి పెద్ద ప్లస్ అవుతుందనడంలో సందేహం లేదు. ప్రస్తుతం ఆర్.ఆర్.ఆర్ చిత్రీకరణ శరవేగంగా పూర్తవుతోంది. యంగ్ టైగర్ ఎన్టీఆర్ పై సన్నివేశాల్ని తెరకెక్కిస్తున్నారు. రామ్ చరణ్ త్వరలోనే సెట్స్ లోకి జాయిన్ కానున్నారు.
No comments:
Post a Comment