మహేష్ ముద్దు వెనుక కన్నీటి కథ

మహేష్ హీరోగా నటించిన భరత్ అనే నేను రిలీజైన మొదట్లో మహేష్ తన భార్య నమ్రతకు ప్రేమతో ముద్దు ఇస్తున్న ఫొటో ఒకటి వైరల్ అయింది. ముచ్చటైన జంటకు కేరాఫ్ అడ్రస్ లా ఉండే వీళ్లిద్దరి మధ్య అనురాగం చూసి అంతా హ్యాపీగా పీలయ్యారు. మహేష్ ఇలాంటి ఫొటో షేర్ చేయడ ఇదే ఫస్ట్ టైం. ఆ ముద్దు వెనుక కదిలించే బ్యాక్ గ్రౌండ్ స్టోరీ రీసెంట్ గా బయటకొచ్చింది.

మహేష్ ఇంతకుముందు నటించిన బ్రహ్మోత్సవం - స్పైడర్ సినిమాలు రెండూ బాక్సాఫీస్ వద్ద బోల్తా కొట్టాయి. హీరోగా మహేష్ గట్టి హిట్ కొట్టాల్సిన టైంలో భరత్ అనే నేను రిలీజైంది. ఈ మూవీ రిలీజ్ కు మూడు రోజుల నుంచి తనకు టెన్షన్ మొదలైందని మహేష్ ఓపెన్ గానే చెప్పుకొచ్చాడు. కానీ అంతకుమించి నమ్రతానే ఎక్కువ టెన్షన్ పడిందట. సినిమా ఇండియాలో కన్నా ముందు ఒకరోజు యూఎస్ లో విడుదలైంది.

‘‘యూఎస్ లో ప్రీమియర్లు విడుదలైన రోజున మొదటి గంట నుంచే ఆడియన్స్ రెస్పాన్స్ ఎలా ఉంటుందా అని నమ్రత ఆరాటపడుతూనే ఉంది. ఫస్ట్ రివ్యూ రాగానే వచ్చి నన్ను నిద్రలేపింది. ఆ క్షణం తన కంటినిండా నీళ్లే కనిపించాయి. అప్పుడు నాకనిపించింది ఈ సినిమా కూడా ఫ్లాపేనని. కానీ నమ్రత సంతోషం.. కన్నీళ్లు కలగలసిన స్వరంతో ఎంతో ఎమోషన్ గా చెప్పింది సినిమాకు సూపర్ పాజిటివ్ రెస్పాన్స్ వచ్చిందని. ఆ క్షణం మా ఇద్దరికీ ఎన్నటికీ మరువలేనిది’’ మహేష్ తన అనుభవనాన్ని పంచుకున్నాడు.

తన కోసం భార్య పడే ఆరాటం చూస్తే ఏ భర్త గుండె చలించకుండా ఉంటుంది? అదీ టాలీవుడ్ బెస్ట్ కపుల్ స్వీట్ కిస్ వెనుకున్న లవ్ స్టోరీ. 

మహేష్ మూవీపై కేటీఆర్ పవర్ఫుల్ డైలాగ్ |

మహేష్ బాబు మూవీ భరత్ అనే నేను మంచి వసూళ్లతో దూసుకుపోతోంది. రీసెంట్ గా ఈ సినిమా చూసిన తెలంగాణ ఐటీ మంత్రి కేటీఆర్.. ప్రత్యేకంగా ప్రెస్ మీట్ నిర్వహించి మరీ.. మూవీ యూనిట్ ని అభినందించారు. ఈ సందర్భంగా ఆయన చెప్పిన మాటలు అందరిలోనూ ఆసక్తిని రేకెత్తించే విధంగా ఉన్నాయి.

ఇవాల్టి రోజుల్లో మీడియా వ్యవహరిస్తోందన్న తీరుపై ఆందోళన వెలిబుచ్చిన కేటీఆర్.. తాము రోజు పడే బాధలను కూడా ఆన్ స్క్రీన్ పై చూపించినందుకు దర్శకుడు కొరటాలకు ధన్యవాదాలు తెలిపారు. మీడియాలో ఎక్కడో ఒక లెక్కలేనితనం కనిపిస్తోందన్న ఆయన.. మంచి పని చేస్తే ఏ తరహా ప్రచారం ఉండదనే విషయాన్ని గుర్తు చేశారు. 'అదేదో అంటారు కదా.. మనిషిని కుక్క కరిస్తే వార్త కాదు.. మనిషే కుక్కని కరిస్తే వార్త. ఇలా ఒక దాన్నే ఫోకస్ చేయడం.. ఓ మనిషి ఒకసారి దూకితే.. 50 సార్లు అదే చూపించడం లాంటివి చేస్తున్నాయి. ఇలాంటి కార్యక్రమాలను పాయింట్ చేశారు. వ్యవస్థకు నాలుగు స్తంభాలు అయిన వాటిని చక్కగా చూపించినందుకు.. హృదయపూర్వక ధన్యవాదాలు' అన్నారు కేటీఆర్.

ఇక చివరలో భరత్ అనే నేను సినిమా టైటిల్ ను బేస్ చేసుకుని కేటీఆర్ పేల్చిన పంచ్ డైలాగ్ అయితే అదరహో అనాల్సిందే. ప్రతీ ఒక్కరూ ముఖ్యమంత్రి అయిపోలేరు  అని.. 29 రాష్ట్రాలుండగా.. అందరూ ముఖ్యమంత్రి అవాలంటే.. వేరే పనులు ఏమీ జరగవ్ అన్న కేటీఆర్.. 'అలా కాకుండా.. భరత్ అనే నేను సినిమా చూసి.. భారత్ అనే నా దేశం కోసం..  నా వంతు పాత్ర నేను పోషిస్తాను.. పౌరుడిగా నా కర్తవ్యాన్ని నేను నిర్వహిస్తాను.. నిర్వర్తిస్తాను అని ఎవరైనా అనుకుంటే.. కనీసం వన్ పర్సంట్ ఛేంజ్ అందుకున్నట్లే' అని చెప్పడం హైలైట్.

మొగుడి షర్ట్ వేసుకుని వచ్చేసిన అనుష్క | Anushka who was wearing Husbend shirt

సహజంగా ఒక ఇంట్లో నివసిస్తున్న వాళ్లంటే.. ఒకే డ్రెస్ ను వేసుకోవడంలో పెద్దగా ఆశ్చర్యం అనిపించదు. కానీ భార్యాభర్తలు ఇద్దరూ ఒకే తరహా డ్రెస్సింగ్ వేసుకోవడం వేరు.. భర్త వేసుకున్న షర్ట్ నే భార్య కూడా ధరించడం వేరు. ఎంత ఒక కంచంలో తిన్నా.. పబ్లిక్ లో సెలబ్రిటీ స్టేటస్ ఉన్నవారు ఇలాంటివి చేయడం దాదాపుగా కనిపించదు.

కానీ బాలీవుడ్ బ్యూటీ అనుష్క శర్మ మాత్రం ట్రెండ్ బ్రేక్ చేసేస్తోంది. ఎంచక్కా తన భర్త.. ఇండియా క్రికెట్ టీం కెప్టెన్ అయిన విరాట్ కోహ్లీ షర్టులను విచ్చలవిడిగా వాడేస్తోంది. ఐపీఎల్ మ్యాచుల సందర్భంగా విరాట్ తెగ బిజీగా ఉంటే.. ఈ భామ మాత్రం విరాట్ చొక్కాలను వేసుకుని చక్కర్లు కొట్టేస్తుండడం.. టాక్ ఆఫ్ ది కంట్రీ అయిపోతోంది. రీసెంట్ గా ఓ బ్లాక్ కలర్ టాప్ లో కనిపించింది అనుష్క శర్మ. నిజానికి కొన్ని రోజుల క్రితం జిమ్ లో వర్కవుట్స్ చేస్తూ.. విరాట్ వేసుకున్నదే ఈ టాప్. ఆ సంగతి వెంటనే అర్ధమయిపోతోంది. ఫ్యాషన్ లవర్స్ అండ్ వీరిద్దరి ఫాలోయర్స్ వెంటనే ఈ విషయాన్ని కనిపెట్టేశారు. విరాట్ ధరించిన ట్యాంక్ టాప్ తో అనుష్క ఉన్న లుక్ ను కంపేర్ చేస్తూ వైరల్ గా షేర్ చేసిపారేశారు.

ఇలా తన భర్త షర్టుతో అనుష్క కనిపించడం మొదటిసారి కాదు. గతంలో వైట్ కలర్ షర్ట్ ను కూడా ఇలాగే వాడేసింది అనుష్క. ఎలాగూ ఇద్దరూ స్లిమ్ అండ్ ఫిట్ గానే ఉంటారు కాబట్టి.. సైజుల విషయంలో కూడా పెద్దగా ప్రాబ్లెం ఉన్నట్లుగా కనిపించడం లేదు. ఏమైనా మొగుడూపెళ్లాలు ఇద్దరూ ఒకటే షర్ట్ ధరించడం అంటే.. పొగడాల్సిన విషయమే. 

మహేష్ టార్గెట్ పెరుగుతూ పోతోందిగా..|Mahesh Target is growing ..

ఏడాది కిందటి వరు అయితే మహేష్ బాబుకు మహేష్ బాబే పోటీ. తన సినిమా రికార్డును తానే బద్దలు కొట్టాల్సిన స్థితిలో ఉన్నాడు. మూడేళ్ల కిందట ‘శ్రీమంతుడు’తో నాన్-బాహుబలి రికార్డును నెలకొల్పాడు మహేష్. ఆ తర్వాత ఏడిన్నర పాటు వేరే హీరోలు కానీ.. అతను కానీ ఆ రికార్డును బద్దలు కొట్టలేకపోయారు. ‘బ్రహ్మోత్సవం’తో ఈ ప్రయత్నం చేసి ఘోరంగా విఫలమయ్యాడు మహేష్. ఇంతలో ‘ఖైదీ నంబర్ 150’ వచ్చి కొత్త రికార్డు నెలకొల్పింది. ‘స్పైడర్’ ఆ రికార్డును మహేష్ బద్దలు కొడతాడని అభిమానులు ఆశించారు కానీ.. అలాంటిదేమీ జరగలేదు.

‘భరత్ అనే నేను’కు వచ్చిన టాక్ ప్రకారం చూస్తే.. ‘శ్రీమంతుడు’ రికార్డును బద్దలు కొట్టడం పెద్ద విషయం కాదు. అది లాంఛనమే అని తేలిపోయింది. ‘ఖైదీ నంబర్ 150’ రికార్డు కూడా సాధ్యమన్నట్లే కనిపించింది. ఐతే మధ్యలో ‘రంగస్థలం’ వచ్చి వసూళ్ల వర్షం కురిపించింది. ‘భరత్ అనే నేను’ వచ్చే సమయానికి రూ.110 కోట్ల షేర్ మార్కును దాటేసింది. అదే పెద్ద టార్గెట్ అనుకుంటే.. క్రమ క్రమంగా ఆ టార్గెట్ పెరుగుతూ పోతోంది. ‘భరత్ అనే నేను’ వచ్చాక కూడా ఆ చిత్రం ఓ మోస్తరు వసూళ్లతో సాగుతుండటం విశేషం. షేర్ ఇంకా పెరుగుతూనే పోతోంది.

ఇటు తెలుగు రాష్ట్రాల్లో.. అటు అమెరికాలో ఈ చిత్రం బాగానే నడుస్తోంది. ఇప్పటికే షేర్ రూ.115 కోట్ల మార్కును టచ్ చేసినట్లు సమాచారం. ఐతే ‘భరత్ అనే నేను’ వీకెండ్ తర్వాత మరీ గొప్పగా ఏమీ వసూళ్లు రాబట్టట్లేదు. వంద కోట్ల షేర్ మార్కే కష్టమవుతుందేమో అనిపిస్తోంది. ‘ఖైదీ నంబర్ 150’ రికార్డును అందుకోవడమే సందేహంగా ఉంటే.. ‘రంగస్థలం’ను అందుకోవడం కష్టమే అంటన్నారు ట్రేడ్ పండిట్లు. మరి ఫుల్ రన్లో ఈ చిత్రం ఎంత వసూలు చేస్తుందో చూడాలి.

రంగస్థలం సినిమా ఎవర్ గ్రీన్ హీరోయిన్ సమంత ఇప్పట్లో తగ్గేలా లేదే

టాలీవుడ్ లో నిజంగా చాలా పెద్ద మార్పులే వస్తున్నాయి. ఓ విధంగా అందుకు కారణం ఆడియెన్స్ మైండ్ సెట్ చేంజ్ అవడమే. పెళ్లైన హీరోయిన్ ను ఎవడు చూస్తాడు అనుకునే రోజులు పోయాయి మనసులో నటన పై ఆసక్తి ఉంటే ఎవ్వరైనా ఎవర్ గ్రీన్ హీరోయిన్ అవుతారని సమంత చెప్పకనే చెప్పేసింది. రంగస్థలం సినిమాలో ఆమె కనిపించిన తీరుకు ప్రతి ఒక్కరు ఫిదా అయిపోయారు. పెళ్లి అయిన సమంత పెళ్లి కానీ సమంత అనే కోణంలో ఎవరు ఆలోచించలేదు.

సినిమా విజయంలో ఆమె పాత్ర చాలానే ఉందని చెప్పవచ్చు. ఇక నిన్న జరిగిన రంగస్థలం విజయోత్సవంలో కూడా సమంత కనిపించిన తీరు అందరిని ఆకట్టుకుంది. అందరికి చేతులెత్తి నమస్కరం పెట్టి స్పెషల్ ఎట్రాక్షన్ గా నిలిచింది. ఆమెను పొగిడిన ప్రతి గెస్ట్ కి దండం పెట్టడం చూసిన తరువాత ఆమె నిబద్దత భావం ఏ స్థాయిలో ఉందో చెప్పవచ్చు. చూస్తుంటే సమంత తన కెరీర్ కు ఇప్పట్లొ ఎండ్ చెప్పేలా లేదు అనిపిస్తోంది.

ఇక సినిమా ప్రముఖులు కూడా ఆమెకు పెళ్లి అయ్యింది అనే విషయాన్ని పూర్తిగా పక్కన పెట్టేశారు. ఆమెకు నటనపై ఆసక్తి ఉన్నంత వరకు హీరోయిన్ గా కొనసాగుతుంది అనడంలో ఎలాంటి సందేహం లేదు. ఇక రంగస్థలం ఈవెంట్ లో బాబాయ్ అబ్బాయ్ లు మెగా ఫ్యాన్స్ ను కనువిందు చేశారు. ఇద్దరు ప్రేమగా ముద్దు పెట్టుకోవడం అందరు ఎంతగానో మురిసిపోయారు. ఇక రంగస్థలం సినిమా 100 కోట్ల (షేర్స్) మార్క్ ను ఇటీవల క్రాస్ చేసిన సంగతి తెలిసిందే.

రంగమ్మత్త (అనసూయ) తో పవర్ స్టార్ పవన్ కళ్యాణ్ కామెడీ

జబర్దస్త్ యాంకర్ గా హల్ చల్ చేయడం మొదలుపెట్టిన రోజుల్లోనే.. అనసూయ సినిమా రంగంలోకి ఎంట్రీ ఇవ్వడం అన్న అంశం.. పవన్ కళ్యాణ్ సినిమాతో మొదలైంది. అత్తారింటికి దారేది చిత్రంలో ఆమెను ఐటెం సాంగ్ చేయమని అడగడం.. ఆమె నో చెప్పడం వంటివి అప్పట్లో మెగా ఫ్యాన్స్ అనసూయను టార్గెట్ చేసేందుకు కారణం అయ్యాయి.

ఇన్ని ఏళ్ల తర్వాత అనసూయ అండ్ పవన్ కళ్యాణ్ ఒక స్టేజ్ పై కలిసి కనిపించడం జరిగింది. రంగస్థలం సక్సెస్ మీట్ లో స్టేజ్ పై ఇద్దరూ కనిపించగా.. అనసూయ గురించి పవన్ మాట్లాడడం ఆసక్తి కలిగించింది. ఈ సినిమాలో ఎవరూ యాక్టర్స్ కనిపించలేదని.. అందరూ ఆయా పాత్రధారులే కనిపించారని చెప్పాడు పవన్. తాను ప్రీమియర్ చూసి బైటకు వచ్చిన తర్వాత.. అనసూయ కనిపిస్తే షేక్ హ్యాండ్ ఇచ్చి పలకరించానని చెప్పాడు పవన్. రంగమ్మత్త పాత్రలో తానే నటించినట్లు చెప్పిందని.. అప్పుడు ఓ సారి అటూ ఇటూ చూడాల్సి వచ్చిందన్నాడు పవర్ స్టార్.

రంగమ్మత్త పాత్రలో నటించినది ఈమేనా అని నమ్మలేకపోయానని.. అంతగా ఆ పాత్రలో ఆమె ఒదిగిపోయిందని.. పవన్ వెర్షన్ అని అర్ధం చేసుకోవచ్చు. తన గురించి పవన్ కళ్యాణ్ మాట్లాడుతున్నప్పుడు.. అనసూయ ఫేస్ ఫీలింగ్స్ చూడాలి.. నా సామిరంగా.. ఆమె సంతోషానికి అవధులు లేవంతే.