తాజాగా మరో మిస్సింగ్ కేసుకు సంబంధించి సోషల్ మీడియాలో.. వాట్సాప్ గ్రూపుల్లో వైరల్ గా ప్రచారం సాగుతోంది. సినిమా ఛాన్స్ వచ్చిందని ఇంట్లో నుంచి హైదరాబాద్ కి వచ్చిన ఖ్యాతి సుమ అనే యువతి మిస్సయ్యిందంటూ నేడు ఓ టీవీ మూవీ ఆర్టిస్ట్స్ అసోసియేషన్ వాట్సాప్ లో సాగిన ప్రచారం కలకలం రేపింది. సుమ వయసు 22. ప్రకాశం జిల్లా నుంచి హైదరాబాద్ కి నటిగా అవకాశాలు వెతుక్కుంటూ విచ్చేసింది. ఆమె ఫోన్.నం.9121922374 కూడా వాట్సాప్ గ్రూపుల్లో దర్శనమిస్తోంది. ఈ కేసు కూడా ధర్మవరం లలిత తరహాలోనే సస్పెన్స్ లో ఉందని అర్థమవుతోంది. ప్రస్తుతం ఆ నోటా ఈనోటా సుమ మిస్సింగ్ మిస్టరీకి సంబంధించిన వార్త వినిపిస్తుండడం కలకలం రేపుతోంది. సుమ ప్రస్తుతం ఏఏ సినిమాలు.. సీరియల్స్ చేస్తున్నారు అన్నది తెలియాల్సి ఉంది. ఇక వాట్సాప్ లో ఇచ్చిన నంబర్ కి కాల్ చేస్తుంటే రింగ్ అవుతున్నా ఎవరూ లిఫ్ట్ చేయకపోవడం పలు అనుమానాలకు తావిస్తోంది.
అయితే తెలుగు సినీ-టీవీ పరిశ్రమ నుంచి ఇలాంటి మిస్సింగ్ కేసుల విషయంలో జాగ్రత్తలు తీసుకుని అలెర్ట్ చేసేందుకు ఎవరూ ముందుకు రాకపోవడం ఆశ్చర్యం కలిగిస్తోంది. నటీమణులు వేధింపులపై కాష్ కమిటీని నియమించారు పెద్దలు. కానీ కాష్ కమిటీ ఏం చేస్తోందో తెలీదు. అలాగే మంచు లక్ష్మీ ప్రసన్న- నందినిరెడ్డి- సమంత- ఝాన్సీ బృందం సైతం ప్రత్యేకించి మహిళల వేధింపుల వ్యవహారంపై ఉద్యమం నడిపిస్తున్నారు. అయితే ఇలాంటి మిస్సింగ్ కేసుల్ని నివారించేందుకు ఎవరూ ఏమీ చేయరా? అంటూ ఆసక్తికర చర్చ సాగుతోంది.
No comments:
Post a Comment