ఈ పాట పదరా పదరా అంటూ సాగుతుంది. "పదరా పదరా పదరా నీ అడుగుకి పదును పెట్టి పదరా ఈ అడవిని చదును చెయ్యి మరి వెతుకుతున్న సిరి దొరుకుతుంది కదరా" అంటూ స్ఫూర్తి రగిలించే విధంగా ఉండే పదాలతో శ్రీమణి సాహిత్యం అందించాడు. ఈ పాటను బుధవారం నాడు సాయంత్రం 4.05 గంటలకు రిలీజ్ చేస్తామని ప్రకటించారు 'మహర్షి' మేకర్స్. ఈ సందర్భంగా రిలీజ్ చేసిన పోస్టర్ లో మహేష్ బాబు ఒక పొలంలో పలుగు.. పార.. నాగలి చేత నాగలి చేతబట్టిన రైతులకు ముందు నిలబడి కదం తొక్కుతున్నాడు. పైర్ల పచ్చదానికి సింబల్ అన్నట్టుగా ఆకుపచ్చ రంగు చొక్కా వేసుకొని.. ప్యాంటు ను పైకి మడిచి.. తలకు టవలును తలపాగా లాగా కట్టిమరీ మోడరన్ రైతులా కనిపిస్తున్నాడు.
ఈ సినిమాలో మహేష్ బాబు రైతు సమస్యలపై పోరాడతాడని ఇప్పటికే వార్తలు వచ్చాయి. ఈ పాట సాహిత్యం.. పోస్టర్ వాలకం చూస్తుంటే అది నిజమేననిపిస్తోంది. బుధవారం సాయంత్రానికల్లా పదరా పదరా పాట ఎలా ఉందో మనకు తెలుస్తుంది. ఇప్పటివరకూ రిలీజ్ ఐన పాటలు అంచనాలను అందుకోవడంలో తడబడ్డాయి. మరి సంగీత దర్శకుడు దేవీ శ్రీ ప్రసాద్ ఈ పాటతో అందరినీ మెప్పిస్తాడని ఆశిద్దాం.
Read Also : Poster Talk: Maharshi Theme Revealed!
No comments:
Post a Comment