ఎమీ గత కొంతకాలంగా ఎందుకనో సైలెంట్ గా ఉంటోంది. 2.0 తర్వాత వేరొక సినిమాకి సంతకమైనా చేయలేదు! అంటూ మీడియా ఇటీవల ఆశ్చర్యాన్ని వ్యక్తం చేసింది. ఎమీ నిరంతరం గ్యాప్ లేకుండా లండన్ ప్రియుడు జార్జి పనాయట్టుతో కలిసి దేశ విదేశాల్లోని ఒంటరి దీవులకు షికార్లు చేస్తుండడంపైనా పలు అనుమానాలు వ్యక్తమయ్యాయి. ఎట్టకేలకు ఆ అనుమానాలే నిజమై.. ఇప్పుడు రిజల్ట్ కూడా వచ్చేసింది. ఎమీజాక్సన్ ఫ్రెగ్నెంట్. సాధ్యమైనంత తొందర్లోనే పండంటి బిడ్డకు జన్మనివ్వబోతోంది. అందుకు సంబంధించిన బేబి బంప్ ఫోటోల్ని ఎమీజాక్సన్ స్వయంగా అంతర్జాలంలో రివీల్ చేయడం బిగ్ షాక్ కి కారణమైంది.
``నేను ఎంతో కాలంగా వేచి చూస్తున్న అరుదైన రోజు ఇది. ఇంటి పైకప్పు ఎగిరిపోయేలా ఓ సంగతిని ప్రకటించాలని అనుకుంటున్నా. ఆ రోజు ఈరోజే. మదర్స్ డే ని మించి ఇంకేదీ లేదు. ఇదే సరైనది అని భావిస్తున్నా. ఈ ప్రపంచంలో నిన్ను ప్రేమించినంతగా ఇక దేనినీ ప్రేమించలేదు. ఎంతో స్వచ్ఛమైన నిజాయితీ ఉన్న ప్రేమ ఇది. మనం ఇంకా ఆగలేం.. మన లిటిల్ లిబ్రాని కలవకుండా వేచి చూడలేం`` అంటూ తన బోయ్ ఫ్రెండ్ కి గట్టిగానే చెప్పింది ఎమీజాక్సన్. పెళ్లి కాకుండానే ఫ్రెగ్నెన్సీయా? అని లండన్ లో ప్రశ్నించకూడదు. బ్రిటీష్ సాంప్రదాయంలో ఇవి చాలా మామూలు విషయాలే .. జస్ట్ పెళ్లికి ముందు ఫ్రెగ్నెన్సీ అని సరిపెట్టుకోవాలి. ఇంతకాలం ఎమీ ఎందుకంత సైలెంట్ ఆ ఉందో ఇప్పుడైనా అర్థమైందా?
No comments:
Post a Comment