ఎన్టీఆర్' ను అమెజాన్ కొనేసింది. | Amazon has bought 'NTR'.
విశ్వవిఖ్యాత నటసార్వభౌముడు ఎన్టీఆర్ పై బయోపిక్ తెరకెక్కిస్తున్నారు అనగానే అందరిలోనూ ఒకటే ఆసక్తి. ఆంధ్రప్రదేశ్ ముఖ్యమంత్రిగా ఎన్టీఆర్ నేషనల్ ఫిగర్ కావడంతో ఇటు తెలుగు రాష్ట్రాలు సహా అటు జాతీయ స్థాయిలోనూ దీనిపై ఆసక్తికర చర్చ సాగుతోంది. ఈ బయోపిక్ లో ఎన్టీఆర్ రాజకీయ చరిత్రతో పాటు - కాంగ్రెస్ కుహానా రాజకీయాల్ని - నాదెండ్ల వెన్నుపోటు రాజకీయాల్ని చూపిస్తారని ప్రచారమైంది. దీంతో ఇంకా ఇంకా ఉత్కంఠ రెయిజ్ అయ్యింది. సరిగ్గా ఇదే పాయింట్ ఎన్టీఆర్ బయోపిక్ కి మార్కెట్ పరంగా హైప్ పెంచేలా చేసింది. ఈ సినిమాని తెలుగు - తమిళ్ - హిందీ భాషల్లో రిలీజ్ చేసి క్యాష్ చేసుకునేందుకు అవకాశం ఏర్పడింది.ఇదే ఆలోచనతో ప్రఖ్యాత ఆన్ లైన్ స్ట్రీమింగ్ దిగ్గజం అమెజాన్ `ఎన్టీఆర్` బయోపిక్ డిజిటల్ రిలీజ్ హక్కుల్ని ఛేజిక్కించుకుందని ప్రచారం సాగుతోంది. దాదాపు 15 కోట్ల మేర డీల్ మాట్లాడుతున్నారన్న మాట వినిపిస్తోంది. ప్రస్తుతానికి చర్చలు సాగుతున్నాయి. ఎంత అన్నదానిపై అధికారికంగా స్పష్ఠత రావాల్సి ఉందింకా. అమెజాన్ - నెట్ ఫ్లిక్స్ - హాట్ స్టార్ వంటి ఆన్ లైన్ దిగ్గజాలు ఒకదానితో ఒకటి పోటీపడుతూ డిజిటల్ హక్కుల పరంగా పోటీ పెంచడం అన్ని సినిమాలకు కలిసొస్తోంది. ఇప్పుడు ఎన్టీఆర్ చిత్రానికి డిజిటల్ హక్కుల విషయంలో తీవ్రమైన పోటీ నెలకొందని తెలుస్తోంది.
మరోవైపు ఈ బయోపిక్ ని తనదిగా వోన్ చేసుకుని క్రిష్ స్పీడ్ గా పూర్తి చేస్తున్నారు. కెరీర్ పరంగా ఎంతో ఛాలెంజింగ్ గా తీసుకుని తెరకెక్కిస్తున్నారు. డైలాగ్ రచయిత బుర్రా సాయిమాధవ్ 24/7 క్రిష్ కి అందుబాటులో ఉన్నారు. ప్రతిదీ అతడితో కూలంకుశంగా చర్చించి క్రిష్ ఆన్ లొకేషన్ పని చేస్తున్నారట. ఎన్టీఆర్ పాత్రలో బాలకృష్ణ - నారా చంద్రబాబు నాయుడుగా -రానా - హరికృష్ణ గా- కళ్యాణ్రామ్ - ఏఎన్నార్ గా - సుమంత్ - బసవతాకం పాత్రలో - విద్యాబాలన్ నటిస్తున్న సంగతి తెలిసిందే. వచ్చే సంక్రాంతికి సినిమా రిలీజ్ కానుంది.
No comments:
Post a Comment